Month: November 2021

 * വിഷചികിത്സ പഠിച്ചു

അവരുടെ സ്വഭാവം നിരീക്ഷിക്കാനുണ്ടായിരുന്നു. അവരുടെ സമുദായത്തിന് പുറത്തുള്ള ഒരാളോട് അവരെങ്ങനെയാണ് പെരുമാറുക, സമുദായത്തിനകത്ത് എങ്ങനെയാണ് പെരുമാറുന്നത് എന്നെല്ലാം നോക്കി പഠിച്ചു. അവരുടെ സ്ത്രീകൾ വീട്ടിൽ എന്താണ് ചെയ്യുന്നതെന്നാണ് എനിക്ക് പഠിക്കാനുണ്ടായിരുന്നത്. പിന്നെ പാമ്പിൻ വിഷത്തിനുള്ള മരുന്ന് കൊടുക്കുന്നതായിട്ടായിരുന്നു സിനിമയിൽ എന്റെ ജോലി. അതും പഠിച്ചു. മരുന്നുകളെല്ലാം പഠിക്കണമായിരുന്നു. പനിക്കും ചുമയ്ക്കും വരെയുള്ള മരുന്നുകൾ എന്തെല്ലാമാണെന്ന് പഠിക്കണമായിരുന്നു. സിനിമയിൽ അതൊന്നും വന്നിട്ടില്ലെങ്കിലും തികഞ്ഞ പരിചയമുള്ള ഒരാളെപ്പോലെ തന്നെ എല്ലാം ചെയ്യണമായിരുന്നു. മണികണ്ഠനാണെങ്കിൽ പാമ്പിനെ പിടിക്കുന്നതിനുള്ള പരിശീലനമാണ് ഉണ്ടായിരുന്നത്. സിനിമയിൽ വി.എഫ്.എക്സ് ആണെങ്കിലും ശരിക്കും അവർ എങ്ങനെയാണ് പാമ്പ് പിടിക്കേണ്ടതെന്ന് അദ്ദേഹത്തിന് പഠിക്കണമായിരുന്നു. പിന്നെ ചെങ്കൽച്ചൂളയിൽ ജോലിയും ചെയ്തു.