ജിസിസി രാജ്യങ്ങളിലേക്ക് യാത്ര ചെയ്യാന്‍ 3 മാസത്തില്‍ കുറയാത്ത പാസ്പോര്ട്ട് വാലിഡിറ്റി വേണം. റിയാദ്: ഗള്‍ഫ് കോര്‍പ്പറേഷന്‍ കൗണ്‍സില്‍ (ജിസിസി) സംസ്ഥാനങ്ങളിലേക്കും അറബ് രാജ്യങ്ങളിലേക്കും യാത്ര ചെയ്യാന്‍ ആഗ്രഹിക്കുന്നവര്‍ യാത്ര ചെയ്യുന്നതിമുമ്പ് പാസ്പോര്‍ട്ടിന്റെ സാധുത പരിശോധിച്ച് പാസ്പോര്‍ട്ടില്‍ അവശേഷിക്കുന്ന കാലയളവ് 3 മാസത്തില്‍ കുറയാത്തതാണെന്ന് ഉറപ്പു വരുത്തണമെന്ന് ജനറല്‍ ഡയറക്ടറേറ്റ് ഓഫ് പാസ്പോര്ട്ട് (ജവാസത്ത്) അറിയിച്ചു. കൂടാതെ മറ്റ് രാജ്യങ്ങളിലേക്ക് യാത്ര ചെയ്യാന്‍ ആഗ്രഹിക്കുന്നവരുടെ പാസ്പോര്‍ട്ടിന്റെ കാലാവധി 6 മാസത്തില്‍ കുറവായിരിക്കരുതെന്നും വ്യക്തമാക്കിയിട്ടുണ്ട്.
ദേശീയ ഐഡന്റിറ്റി കാര്‍ഡ് ഉപയോഗിച്ചുള്ള യാത്ര വിലക്ക് ജവാസാത്ത് നീക്കിയതിനു ശേഷം സൗദി പൗരന്മാര്‍ക്കും മറ്റ് ജിസിസി സംസ്ഥാനങ്ങളിലെ പൗരന്മാര്‍ക്കും പ്രസ്തുത കാര്‍ഡ് ഉപയോഗിച്ച് സൗദി അറേബ്യയിലേക്കും തിരിച്ചും യാത്ര ചെയ്യാമെന്ന് വ്യക്തമാക്കി. അവര്‍ക്ക് പാസ്പോര്ട്ട് വെറുമൊരു യാത്ര രേഖയായി മാത്രമേ ഉപയോഗിക്കാന്‍ സാധിക്കുകയുള്ളൂവെന്നും വ്യക്തമാക്കിയിട്ടുണ്ട്.
