Month: July 2024

എന്‍എച്ച്പിസി ലിമിറ്റഡ് നാഷണല്‍ ഹൈഡ്രോ ഇലക്ട്രിക് പവര്‍ കോര്‍പ്പറേഷന്‍ എന്നതിന്‍റെ ചുരുക്കരൂപമാണ് എന്‍എച്ച്പിസി. 1975 മുതല്‍ പ്രവര്‍ത്തനമാരംഭിച്ചു. ജല വൈദ്യുത പദ്ധതികളിലൂടെ 200 കോടി യൂണിറ്റ് വൈദ്യുതി ഉത്പാദനം നടത്താനുള്ള ശേഷിയുണ്ട്. പ്രോജക്ട് മാനേജ്മെൻ്റ്, കൺസ്ട്രക്ഷൻ കോൺട്രാക്ടുകൾ, കൺസൾട്ടൻസി സേവനങ്ങൾ, പവർ ട്രേഡിംഗ് പ്രവർത്തനങ്ങൾ എന്നിവ വാഗ്ദാനം ചെയ്യുന്നതിൽ കമ്പനി ഏർപ്പെടുന്നു.വിദഗ്ധരുടെ ശുപാർശ കഴിഞ്ഞ കുറച്ച് സെഷനുകളായി എൻഎച്ച്പിസി ഓഹരികൾ റേഞ്ച്ബൗണ്ട് നീക്കമാണ് കാണിക്കുന്നതെന്ന് മാർക്കറ്റ് വിദഗ്ധനും റെലിഗെയർ ബ്രോക്കിംഗ് റീട്ടെയിൽ റിസർച്ച് സീനിയർ വൈസ് പ്രസിഡൻ്റുമായ രവി സിംഗ് പറഞ്ഞു. ഉയർന്ന തലങ്ങളിൽ ഓഹരി ലാഭ ബുക്കിംഗ് അനുഭവിച്ചിട്ടുണ്ട്. ഏകദേശം 98-100 രൂപയ്ക്ക് മികച്ച ഏകീകരണത്തിന് ശേഷം ബ്രേക്കൗട്ടിനുള്ള ശക്തമായ സാധ്യതയുണ്ടെന്നും അദ്ദേഹം വ്യക്തമാക്കി.പുതിയ കരാർ അടുത്തിടെ എൻഎച്ച്പിസിയുമായ ജാക്സൺ ഗ്രീൻ എന്ന കമ്പനി 400 മെഗാവാട്ട് സോളാർ പവർ പർച്ചേസ് കരാർ ഒപ്പുവെക്കുമെന്ന് പ്രഖ്യാപിച്ചിരുന്നു. പദ്ധതി രാജസ്ഥാനിൽ സ്ഥാപിക്കുകയും കേന്ദ്ര ഗ്രിഡുമായി ബന്ധിപ്പിക്കുകയും പ്രതിവർഷം നാല് ലക്ഷം വീടുകളിൽ വൈദ്യുതി എത്തിക്കാൻ ആവശ്യമായ ഊർജ ഉൽപ്പാദനം നടത്തുകയും ചെയ്യു. 24 മാസത്തിനകം പദ്ധതി കമ്മീഷൻ ചെയ്യും. ഡിവിഡൻ്റ് ചരിത്രം ബിഎസ്ഇ വെബ്‌സൈറ്റ് അനുസരിച്ച്, ഈ വർഷം ഫെബ്രുവരിയിൽ എൻഎച്ച്‌പിസി ഓരോ ഓഹരിക്കും 1.40 രൂപ ലാഭവിഹിതം നൽകി. 2023-ൽ കമ്പനി 2 തവണ ലാഭവിഹിതം നൽകിയിരുന്നു. ഓഗസ്റ്റിൽ 0.45 രൂപയും ഫെബ്രുവരിയിൽ 1.40 രൂപയും. ബിഎസ്ഇ വെബ്‌സൈറ്റ് പ്രകാരം ജൂലൈ 3 വരെ 1.03 ലക്ഷം കോടി രൂപയാണ് എൻഎച്ച്പിസിയുടെ വിപണി മൂല്യം.