ഗോവ ഷിപ്യാഡ് ലിമിറ്റഡിലെ 253 ഒഴിവിൽ നേരിട്ടുള്ള നിയമനം. ഏപ്രിൽ 28 വരെ ഓൺലൈനായി അപേക്ഷിക്കാം.
> തസ്തികയും യോഗ്യതയും
* സ്ട്രക്ചറൽ ഫിറ്റർ, ഫിജറേഷൻ ആൻഡ് എസി മെക്കാനിക്, വെൽഡർ, ത്രിജി വെൽഡർ, ഇലക്ട്രോണിക് മെക്കാനിക് : ബന്ധപ്പെട്ട ട്രേഡിൽ ഐടിഐ, എൻസിടിവിടി/ഐടിഐ, 2 വർഷ പരിചയം (3ജി വെൽഡർ ട്രേഡിൽ 3ജി വെൽഡിങ് സർട്ടിഫിക്കേഷൻ വേണം).
* ഇലക്ട്രിക്കൽ മെക്കാനിക്, പ്ലംബർ : പത്താം ക്ലാസ്, ബന്ധപ്പെട്ട ട്രേഡിൽ ഐടിഐ, 2 വർഷ പരിചയം.
* മൊബൈൽ ക്രെയിൻ ഓപ്പറേറ്റർ : പത്താം ക്ലാസ്, ഹെവി വെഹിക്കിൾ ഡവിങ് ലൈസൻസ്, 2 വർഷ പരിചയം.
* പ്രിന്റർ കം റെക്കോർഡ് കീപ്പർ : പത്താം ക്ലാസ്, 6 മാസ കംപ്യൂട്ടർ ആപ്ലിക്കേഷൻ സർട്ടിഫിക്കറ്റ് കോഴ്സ്, 1 വർഷ പരിചയം.
* കുക്ക് : പത്താം ക്ലാസ്, 2 വർഷ പരിചയം.
* ഓഫിസ് അസിസ്റ്റന്റ്, സ്റ്റോർ അസിസ്റ്റന്റ്, യാർഡ് അസിസ്റ്റന്റ് : ബിരുദം, 1 വർഷ കംപ്യൂട്ടർ ആപ്ലിക്കേഷൻ സർട്ടിഫിക്കറ്റ് കോഴ്സ് (ബിസിഎ, ബിഎസ്സി കംപ്യൂട്ടർ യോഗ്യതക്കാർക്ക് ബാധകമല്ല), 1 വർഷ പരിചയം.
* ഓഫിസ് അസിസ്റ്റന്റ് (ഫിനാൻസ് ഇന്റേണൽ ഓഡിറ്റ്) : കൊമേഴ്സ് ബിരുദം, 1 വർഷ കംപ്യൂട്ടർ ആപ്ലിക്കേഷൻ സർട്ടിഫിക്കറ്റ് കോഴ്സ്, 1 വർഷ പരിചയം.
* ജൂനിയർ ഇൻസ്ട്രക്ടർ (അപ്രന്റിസ്) മെക്കാനിക്കൽ : മെക്കാനിക്കൽ എൻജിനീയറിങ് ഡിപ്ലോമ, 2 വർഷ പരിചയം.
* മെഡിക്കൽ ലബോറട്ടറി ടെക്നീഷ്യൻ : മെഡിക്കൽ ലബോറട്ടറി ടെക്നോളജി ഡിപ്ലോമ, 3 വർഷ പരിചയം.
* സിവിൽ അസിസ്റ്റന്റ് : സിവിൽ എൻജിനീയറിങ് ഡിപ്ലോമ, 2 വർഷ പരിചയം.
* ട്രെയിനി (വെൽഡർ, ജനറൽ ഫിറ്റർ) : വെൽഡർ/ഫിറ്റർ/ജനറൽ ഫിറ്റർ ട്രേഡിൽ ഐടിഐ, എൻസിടിവിടി/ഐടിഐ.
* അൺ സ്കിൽഡ്: പത്താം ക്ലാസ്, 1 വർഷ പരിചയം.
പ്രായപരിധി: 33. അർഹർക്ക് ഇളവ്. ഫീസ്: 200 രൂപ. ഡിഡി ആയി അടയ്ക്കണം. പട്ടികവിഭാഗം, ഭിന്നശേഷി, വിമുക്തഭടൻമാർ എന്നിവർക്കു ഫീസില്ല. www.goashipyard.in
