പൊന്മുടി, കല്ലാർ, മങ്കയം ഇക്കോ ടൂറിസം കേന്ദ്രങ്ങളിൽ വെള്ളിയാഴ്ച മുതൽ ഓൺലൈൻ ടിക്കറ്റ് ഏർപ്പെടുത്തി.www.keralaforestecotourism എന്ന വെബ് സൈറ്റിൽ ഇന്നു മുതൽ ഓൺലൈനായി ടിക്കറ്റ് എടുക്കാം . സൈറ്റിൽ നിന്ന് ലഭിക്കുന്ന ഇ ടിക്കറ്റ് ഉപയോഗിച്ച് ഈ ടൂറിസം കേന്ദ്രങ്ങളിൽ സന്ദർശനം നടത്താവുന്നതാണ്.
സന്ദർശകർ ഓൺലൈൻ ആയി തുക കൊടുത്ത് സൈറ്റിൽ നിന്നും ലഭ്യമാക്കുന്ന ഇ ടിക്കറ്റ് പ്രിന്റ് എടുത്തോ, മൊബൈൽ ഫോണിൽ ഡൗൺലോഡ് ചെയ്തോ സൂക്ഷിയ്ക്കേണ്ടതാണ്. ഇപ്രകാരം ഹാജരാക്കേണ്ടതായ ഇ-ടിക്കറ്റിന് പകരം ടിക്കറ്റ് തുക കൊടുത്തതായി കാണിക്കുന്ന മറ്റ് രേഖകളൊന്നും പ്രവേശനത്തിന് അംഗീകാരം നൽകുന്നതല്ലെന്ന് തിരുവനന്തപുരം ഡിവിഷണൽ ഫോറസ്റ്റ് ഓഫീസർ അറിയിച്ചു.