ആൻഡ്രോയിഡ് ഫോണുകളിലേക്ക് പുതിയ ഫീച്ചർ കൂടിയെത്തുന്നു. ആൻഡ്രോയിഡ് ഉപഭോക്താക്കൾക്ക് ഇനി തങ്ങളുടെ ഫോണിൽ 15 മിനിറ്റിനുള്ളിലെ സെർച്ച് ഹിസ്റ്ററി നീക്കം ചെയ്യാൻ സാധിക്കും.നിലവിൽ ഈ സംവിധാനം എല്ലാവരിലേക്കും എത്തിച്ചുകൊണ്ടിരിക്കുകയാണ്. ഗൂഗിൾ അക്കൗണ്ട് സെറ്റിങ്സ് പേജിൽ ഇതിനായുള്ള ഓപ്ഷൻ ലഭിക്കും.
2021 ജൂലായിൽ ഈ സൗകര്യം ആപ്പിൾ ഫോണുകളിൽ ഗൂഗിൾ അവതരിപ്പിച്ചിരുന്നു. എന്നാൽ ആൻഡ്രോയിഡിൽ ഇത് അവതരിപ്പിക്കുമെന്ന് പറഞ്ഞ തീയ്യതിയിൽ കാലതാമസം നേരിടുകയായിരുന്നു. വരുന്ന ആഴ്ചകളിൽ തന്നെ ഈ സൗകര്യം എല്ലാവർക്കുമായി ലഭിച്ചേക്കും.ഗൂഗിളിന്റെ സെർച്ച് ആപ്പിലാണ് ഈ സൗകര്യം ഉപയോഗിക്കാൻ സാധിക്കുക. ആൻഡ്രോയിഡ് ഫോണിലെ സെർച്ച് ബാർ വഴിയുള്ള തിരയലുകളാണ് ഈ രീതിയിൽ നീക്കം ചെയ്യാൻ സാധിക്കുക.
ഏതെല്ലാം പ്ലാറ്റ്ഫോമുകളിലാണ് ഈ സൗകര്യം അവതരിപ്പിക്കുകയെന്ന് കഴിഞ്ഞ ഐ/ഒ കോൺഫറൻസിൽ ഗൂഗിൾ വ്യക്തമാക്കിയിരുന്നില്ല. അതിനാൽ തന്നെ ഈ സൗകര്യം ഡെസ്ക് ടോപ്പിലും അവതരിപ്പിക്കാൻ സാധ്യതയുണ്ടോ എന്ന് വ്യക്തമല്ല. ഗൂഗിളിന്റെ വാർഷിക ഡെവലപ്പർ കോണഫറൻസാണ് ഗൂഗിൾ ഐ/ഒ കോൺഫറൻസ്. മെയ് 11, 12 തീയ്യതികളിലാണ് ഇത്തവണത്തെ കോൺഫറൻസ് നടക്കുന്നത്.
