വാണിജ്യ ആവശ്യത്തിനുള്ള പാചകവാതക സിലിണ്ടറിന് വില കുത്തനെ കൂട്ടി. സിലിണ്ടറിന് 101 രൂപയാണ് കൊച്ചിയിൽ കൂടിയത്. ഇതോടെ കൊച്ചിയിൽ വാണിജ്യ സിലിണ്ടറിന് 2095 രൂപയായി. സർവകാല റിക്കാർഡ് ആണ് ഈ വില. ഗാർഹിക ആവശ്യത്തിനുള്ള സിലിണ്ടർ വിലയിൽ മാറ്റമില്ല. കഴിഞ്ഞ നവംബർ ഒന്നിനും വാണിജ്യ സിലിണ്ടറിന് വില വർധിപ്പിച്ചിരുന്നു. അന്ന് 266 രൂപയാണ് ഒറ്റദിവസംകൊണ്ട് വർധിപ്പിച്ചത്.ഒക്ടോബറിൽ 36 രൂപയുടെ വർധനവുണ്ടായിരുന്നു.
