ഓഹരി വിപണിയിൽ വ്യാഴാഴ്ചയും നഷ്ടത്തിലാണ് വ്യാപാരം ആരംഭിച്ചിരിക്കുന്നത്. സെൻസെക്സ് 111.90 പോയന്റ് നഷ്ടത്തിൽ 59498.51 എന്ന നിലയിലും നിഫ്റ്റി 87.70 പോയന്റ് ഇടിഞ്ഞ് 17720 എന്ന നിലയിലുമാണ് വ്യാപാരം ആരംഭിച്ചിരിക്കുന്നത്.
ഏഷ്യൻ പെയിന്റ്, സൺ ഫാർമ, ടാറ്റ സ്റ്റീൽ, ഹിന്ദുസ്ഥാൻ ലിവർ, ഡോ.റെഡ്ഡി, ആക്സിസ് ബാങ്ക്, എം ആൻഡ് എം, പവർ ഗ്രിഡ്, ഐ.സി.ഐ.സി.ഐ. ബാങ്ക്, ഐ.ടി.സി. തുടങ്ങിയ കമ്പനികളുടെ ഓഹരികൾ ലാഭത്തിലാണ് വ്യാപാരം പുരോഗമിക്കുന്നത്. അതേസമയം, എച്ച്.സി.എൽ. ടെക്, എൽ.ടി, ഭാരതി എയർടെൽ, നെസ്ലെ ഇന്ത്യ, മാരുതി, കോട്ടക് മഹീന്ദ്ര, റിലയൻസ്, ബജാജ് ഫിൻസെർവ് ടൈറ്റാൻ, വിപ്രോ, എച്ച്.ഡി.എഫ്.സി. ബാങ്ക് തുടങ്ങിയ കമ്പനികളുടെ ഓഹരികൾ നഷ്ടത്തിലാണ് വ്യാപാരം ആരംഭിച്ചിരിക്കുന്നത്.
